කන්කසන්තුරේ වරාය වාණිජ වරායක් ලෙස සංවර්ධනය කර ඒ වටා නව ආර්ථික කලාපයක් ස්ථාපිත කරන බව අග්‍රාමාත්‍ය රනිල් වික්‍රමසිංහ මහතා පවසයි. ඒ සඳහා ඉන්දීයාවෙන් ආධාර ලෙස ලැබුණ ඇමරිකන් ඩොලර් මිලියන 45.27ක මුදලක් ආයෝජනය කෙරේ.
නාවික සහ දක්ෂිණ සංවර්ධන අමාත්‍ය සාගල රත්නායක, කර්මාන්ත හා වාණිජ කටයුතු, දිගු කාලීනව අවතැන් වූ පුද්ගලයන් නැවත පදිංචි කිරීම සහ සමූපකාර සංවර්ධන අමාත්‍ය රිෂාඞ් බදියුදීන් යන මහත්වරු සහ ශ්‍රී ලංකා වරාය අධිකාරියේ ඉහළ නිලධාරීන් සමග කන්කසන්තුරේ වරායේ නිරීක්ෂණ චාරිකාවක යෙදිණි. ව්‍යාපෘතියට අදාළ ඉඩම් අත් පත් කරගැනීම කඩිනම් කිරීමට පියවර ගන්නා ලෙස අගමැති රනිල් වික්‍රමසිංහ මහතා උපදෙස් දුන්නේය.
